Theo Bosebabireba na Stella Manishimwe bazitabira imurikwa rya album DVD ya Banyihoreye Sylvanie kuri ADEPR Nyagatovu.

0
137

Umuhanzi Banyihoreye Sylvanie agiye gushyira ahagaragara umuzingo w’amashusho yise “ANGARUTSEHO” mu giterane giteganijwe tariki ya 27-28/5/2017, kuri ADEPR Nyagatovu. Iki giterane kizitabirwa n’abahanzi nka Theo Bosebabireba, Stella Manishimwe ndetse n’abavugabutumwa nka Past. Mugabo Venuste na Munezero n’abandi.

Umuhanzikazi Stella Manishimwe azitabira iki gitaramo

Banyihoreye Sylvanie ni umuhanzikazi ubusanzwe ubarizwa mu itorero rya ADEPR Nyagatovu, Paruwasi ya Rukurazo, akaba amaze igihe akora umwuga w’ubuhanzi. Kugeza ubu akaba ateganya gushyira ahagaragara umuzingo we wambere w’amashusho yise “ANGARUTSEHO”, mu gitaramo kizabera kuri ADEPR Nyagatovu.

Umuhanzi Banyihoreye Sylvanie

Abahanzi nka Uwiringiyimana Theogene, uzwi nka Bosebabireba ndetse n’umuhanzi Stella Manishimwe wamenyekanye nka Nijye wa Mugore kubera indirimbo yakunzwe cyane, bazasusurutsa iki gitaramo. Haziyongeraho abavugabutumwa nka Past. Mugabo Venuste na Past. Munezero hamwe n’abavugabutumwa nka Stanie na Daniel.

Umuhanzi Bosebabireba utegerejwe na benshi nawe yari yitabiriye.

Banyihoreye Sylvanie aganira n’ikinyamakuru isange.com, yagitangarijeko yatangiye ubuhanzi mu mwaka wa 2001, kuri ubu akaba agiye gushyira ahagaragara umuzingo w’amashusho ugizwe n’indirimbo 7. Uyu muhango uteganijwe tariki ya 28/5/2017 kuri ADEPR Nyagatozu.

Amakorali nka Elayo ya ADEPR Kimironko, Yasipi na Golgota zibarizwa kuri ADEPR Nyagatovu ndetse na korali Horebu bakazifatanya n’uyu muhanzi mu kumurika uyu muzingo w’amashusho wiswe “ANGARUTSEHO” , kuva tariki ya 27 kugeza kuwa 28/5/2017, kuri ADEPR Nyagatovu.