Reka twibukiranye ukuri kw’ibyari bikubiye mu mabaruwa Rev.Mutaganzwa Viateur yandikiye abayobozi ba ADEPR mbere y’uko bamwirukana, bikaba intandaro yo kubata muri yombi.

2
125

Rev.Mutaganzwa Viateur yari umuyamabanga mukuru wa ADEPR ariko aza kwirukanwa mu buyobozi bwayo kuko hari ibyo atumvikanagaho nabo. Ibi byabereye mu nama yabaye kuwa Gatanu tariki ya 10 Ukwakira 2014  yasuzumaga icyemezo inama y’ubuyobozi ya ADEPR yari yafashe ubwo yahagarikaga by’agateganyo Rev Past Mutanganzwa kuwa 16 Nzeri 2014, azira kwandagaza itorero mu bitangazamakuru no kumena amabanga y’itorero.

Uwari Umuvugizi akaba n’Umushumba Mukuru wa ADEPR, Bishop Jean Sibomana, yavuze ko Viateur yagaragaweho no kugira uruhare mu byagiye bitangazwa mu bitangazamakuru binyuranye biharabika itorero n’abayobozi baryo, kugenda avuga hirya no hino ko umutungo w’Itorero ucunzwe nabi, kunenga imyanzuro yafatiwe mu nama zitandukanye harimo n’iyo we ubwe yabaga yashyizeho umukono.

Icyemezo cyo guhagarika Mutanganzwa cyatowe n’ abantu 58 muri 62 bari bitabiriye inama, yari igizwe n’abayobozi bo mu nzego zitandukanye za ADEPR.

Yarezwe kwandagaza itorero…

Bish. Pastor Jean Sibomana wayoboraga itorero rya ADEPR yavuze ko bibabaje kubona itorero rya ADEPR rihora ku karubanda biturutse ku baririmo. Yavuze kandi ko n’andi matorero ahura n’ibibazo ariko ntibishyirwe ku karubanda.

“Ni ukubera iki nta rindi torero twumva hano hanze rihora rivugwa nabi mu bitangazamakuru? Ni uko nta bibazo se bo bahura nabyo mu murimo bakora? Ni ukuvuga ko bo baticara ngo bakemure ibibazo byabo?”.

Yavuze ko byose byabayeho kugira ngo ubuyobozi buriho busuzugurike, Itorero rigibweho igisuzuguriro.

Hano Rev.Mutaganzwa yarireguraga, abashumba 58 muri 62 bemeza ko yirukanwa

Icyo gihe Mutanganzwa yavuze ko atakwandagaza itorero ryaramureze…

Icyo gihe Pasiteri Viateur Mutanganzwa yemeje iby’aya makuru ko yahagaritswe ku mirimo y’Umunyamabanga Mukuru wa ADEPR, gusa ntiyemeranya n’abavuga ko yandagaje itorero kuko atabitinyuka, ati “Sindakwandagaza itorero ryarandeze”.

Mutanganzwa avuga ubusanzwe itorero bivuga abantu, bivuga umuryango mugari, ariko atari umuntu umwe ku giti cye.

Ntiyemeranya n’abavuga ko yandagaje itorero kuko kuva yatangira gukorera Imana akiri umudiyakoni i Butare, akazamurwa mu ntera agahagararira ADEPR mu Ntara, kugeza ubwo ahawe umwanya w’Umunyamabanga Mukuru, byose ngo icyizere Imana n’abantu bamugiriye. Uyu munsi ngo sibwo ahindutse ku buryo yabura ubwenge bwo kwandagaza itorero rye yubaha.

Mutaganzwa yemeza ko abenshi mu bayobozi bakuru ba ADEPR ubu yabatanze mu mirimo, bamwe aranabasengera, ku buryo asobanukiwe imikorere yose y’itorero.

Mutaganzwa yazize kunenga abayobozi agaragaza amakosa yabaye intandaro yo guta muri yombi abayobozi 4 babaga muri Komite Nyobozi ya ADEPR.

Rev. Mutanganzwa wemeza ko adakunda amafuti mu buzima bwe, ngo yazize ko yanenze imikorere y’abayobozi ba ADEPR, kuko yahoraga abasaba ko bicara hamwe bagahindura ibintu.

Avuga ko ibyo banengaga ubuyobozi basimbuye (Bwari buyobowe na Samuel Usabwimana) nabo bisanze barabiguyemo. Ngo ni byo koko hari byinshi bakosoye, ariko hari n’ibindi yabasabaga kwicara ngo bakosore, ari nabyo byatumye arebwa ijisho ribi.

Ngo indangagaciro yifitemo zimutegeka gusaza amahoro, adakomeje kwijandika mu mafuti akorwa na bamwe mu bayobozi ba ADEPR.

Ati “Ndashaka gusaza neza”.

Twasoza twibaza niba ibyo yavugaga ariko Kuri kwabaye intandaro yo gutuma abayobozi ba ADEPR batabwa muri yombi.

DORE AMABARUWA YANDIKIYE ABAYOBOZI BABANAGA MURI KOMITE MBERE YO KWIRUKANWA

 

2 Ibitekerezo

  1. Imana ishimwe ko hatatowe Rurangirwa, nawe ni ikirura ,nawe bamwimure, bakureho n’abayobozi b’uturere

Comments are closed.