Korali Siloam ADEPR Kumukenke ihagurukijwe no gushyigikira umwana wayo Bosco Nshuti mu gitaramo kidasanzwe.

0
121
Korali Siloam ya ADEPR Kumukenke izifatanya na ADEPR Iriba

Mu mwuka umwe wo gushyigikirana, kuzamurana n’ubufatanye buranga abagize korali Siloam ya ADEPR Kumukenke, kuri iki cyumweru tariki ya 28/5/2017, iyi korali izaba yifatanye n’umwana wayo Bosco Nshuti, mu gitaramo bie “Ibyo ntunze Live Concert”. Iki gitaramo kikaba cyaranatumiwemo umuhanzi Dominic Nic. Byose ni ku rusengero rwa ADEPR Kumukenke.

Umuhanzi Nshuti Bosco arasatira gushyitsa”Ibyo ntunze live concert” azamurikiramo umusaruro w’impano yagabiwe kuva akivuka. Uyu muhanzi akaba agiye gukora igitaramo cy’ amateka giteganijwe tariki ya 28 Gicurasi 2017 ku rusengero rwa ADEPR Kumukenke, muri paruwasi ya ADEPR Gasave – Gisozi.

Umuhanzi Bosco Nshuti arataramana na korali Siloam abereye umuririmbyi

Uyu muhanzi kandi abarizwa mu matsinda atandukanye, harimo umuryango mugari wa korali Siloam, bazafatanya muri iki gitaramo. Byongeye kandi uyu muhanzi abarizwa mu itsinda rya New Melody ritunganya umuziki ndetse rigatoza n’ amakorari, si ibyo gusa kandi kuko banafite indirimbo zagiye zikundwa cyane haba ku rubyiruko,abakuze n’abasheshe akanguhe.

Amakuru ikinyamakuru isange.com gikesha ubuyobozi bwa Korali Siloam, avuga ko bamaze iminsi bitegura igitaramo bazafatanyamo n’umuririmbyi wabo Bosco Nshuti, kandi bakaba biteguye gufatanya nawe kwishimira intera amaze kugeraho mu buhanzi.

Umuhanzi Dominic Nic nawe arafatanya na Bosco Nshuti muri iki gitaramo

Uyu muhanzi ni umwe mubamaze kuzamura impano ye bitewe n’ umwuka w’Imana uri kuri we, ubuhanga ndetse n’ indirimbo zakunzwe n’ abantu benshi afite.Kugeza ubu impano ye, ikaba ikomeje kwaguka nkuko bigaragarira benshi.

Mu kiganiro n’ikinyamakuru isange.com, Nshuti Bosco yadutangarije ko agiye gushyira ahagaragara indirimbo ze, kugeza ubu zimaze kumenywa na benshi kugeza ubu kubera umwimerere n’ubutumwa bubatura buzikubiyemo.

Siloam ya ADEPR Kumukenke

Ibyo ntunze live concert hazagaragaramo umuhanzi ukunzwe cyane ariwe Dominic Nic ASHIMWE ndetse na Korali ya Siloam yo ku mudugudu wa Kumukenke.

Iki gitaramo giteganijwe tariki ya 28 Gicurasi 2017 Ku rusengero rwa ADEPR Kumukenke Paruwasi  Gasave, kikazatangira ku isaha ya saa cyenda(15h) kwinjira bizaba ari ubuntu kuri buri wese.