Bish. Rwandamura yanze ko Abashumba binjira mu nama itegura amatora yahuje amatorero y’avutse ubwa 2 . Menya ikibyihishe inyuma.

0
101
Nguyu Apostle Charles Rwandamura uvuga ko yabwiwe n'Imana kubaka urukuta ku rusengero ayoboye akarwita urukuta rw'amahoro.

Kuwa mbere tariki ya 22/05/2017 Bishop Rwandamura nibwo yahamagaje abashumba bo mu matorero y’abavutse ubwa kabiri. Ibi byanyuze mu itangazo ryamaze iminsi mike ricicikana ku mbugankoranyambaga, rikaba ryarakozwe na Pasiteri Ntambara Saturday aho ryasabaga abashumba batandukanye kwitabira inama ngo yari kuyoborwa na Bish.Rwandamura, ikaba yaragombaga kubera kuri Sports View i Remera.

Muri iri tangazo, nta na hamwe bigeze bavuga ko hakozwe urutonde rw’abashumba bagomba kwinjira ndetse n’abatagomba kwinjira muri iyi nama. Isange.com ikimenya iby’aya makuru, yahise ijya ahagombaga kubera iyo nama kugira ngo ikurikirane impamvu yayo maze abari bashinzwe kwinjiza no gukumira abinjira batabyemerewe, bavugaga ko nta munyamakuru n’umwe ugomba kwinjira.

Isange.com yababajije impamvu hinjizwa abapasiteri bamwe ariko abandi bagasubizwa inyuma, ntiyabihererwa igisubizo. Umunyamakuru wa isange.com yageze kuri iyo Hotel ku saha ya saa 15h00 ari nabwo iyo nama yatandukanye, ategereza amasaha 5 yose kugira ngo inama ni irangira yuvuganire na Bish. Rwandamura ariko biranga byose, banga ko amuvugisha.

Umwe mu bashumba bari bitabiriye iyi nama waganiriye na isange.com, yavuze ko iyi nama yahamagajwe na Bish.Rwandamura kugira ngo ihuriro rye rihuza amatorero y’abavutse ubwa kabiri rirebere hamwe icyo ryafasha Leta kuri gahunda zirebana n’amatora ziri imbere.

Umushuba w’itorero UCC Apotre Charles Rwandamura yanze ko abashumba binjira mu nama

Isange.com kandi yavuganya na bamwe mu bashumba basubijwe inyuma kimwe n’abandi batatumiwe muri iyi nama kandi bizwi ko bigeze gukorana neza na Bish.Rwandamura mu bihe bitandukanye kandi banabarizwa mu matorero y’abavutse ubwa kabiri, basobanura ko batazi icyatumye atabashyira kurutonde rw’abagomba gutanga uyu musanzu. Umwe muri aba bashumba yabwiye isange.com ko ashobora kuba yanze kubatumira kungo baba barivanye muri gahunda ye yari yaratangije yitwaga “Kwicomokora ku idini

Yasoje atangaza ko bigayitse kubona Bish.Rwandamura ategura ikintu nk’icyo ariko akabaheeza kandi bose bibona muri ayo matorero, anibaza niba nta zindi nyungu ze bwite yaba abifitemo.

Tuzakomeza dukurikirane iby’iyi nama ishobora kubaho mu munsi mike iri imbere.